Почетна / Магазин / Убавина и Здравје / 5 здравствени придобивки од маслото од црна рибизла

5 здравствени придобивки од маслото од црна рибизла

Едно од најчесто приманите масла е рибиното. Друг додаток во исхраната, кој станува сè повеќе популарен е маслото од црни рибизли. Тоа дејствува како моќен антиоксидант има антиинфламаторни, антиревматици и антиалергиски својства. Покажува добри резултати кај пациенти кои страдаат од акни. Кои други здравствени придобивки ги има маслото од црни рибизли?

Го засилува имунитетот
Земањето на масло од семе на црна рибизла го подобрува имунолошкиот систем. Со напредување на возраста, производството на простагландин Е2 во нашето тело се зголемува. Ова води до намалување на функцијата на имунолошкиот систем. Маслото од црни рибизли ни обезбедува гама-линоленска киселина и алфа-линоленска киселина (омега-3), со што се намалува синтезата на простагландин.

Како резултат на тоа се зголемуваат и заштитните сили на организмот. Се опоравуваме брзо по настинки и грип. Се проценува дека корисно масло помага на пациентите кои страдаат од автоимуни болести како лупус, егзема и псоријаза.

Корисно е за срцето
Маслото од црни рибизли докажано помага за соодносот на добриот и лошиот холестерол, како и го намалува ризикот од кардиоваскуларни болести како атеросклероза. Утврдено е дека земањето е ефикасно при спречување на срцеви аритмии, најверојатно поради високата концентрација на омега-3 и 6 масните киселини.

Ја подобрува состојбата на косата
Маслото од црни рибизли може да помогне и при губење на косата, ако вашата коса е тенка безживотна. Но, не треба да се користи локално на скалпот туку да се зема во форма на додатоци во исхраната. Кога се зема внатрешно, обезбедува есенцијални масни киселини во организмот, кои се важни за фоликулите на косата.

Се разбира потребно е да има повеќе во организмот, што значи дека треба маслото да се зема во текот на неколку месеци.

При суви очи
Дали страдате од суви очи? Кај некои луѓе тоа се претвора во хронична состојба и многу од нив наоѓаат олеснување во земањето на масло од црни рибизли. Кога се набљудува дефицитот на здрави масни киселини, тоа води и до намалена лакримална продукција, што е причина за сувост во очите.

При предменструален синдром
Маслото од црни рибизли може да ги олесни нерасположенијата поврзани со предменструален синдром, како промени во расположението, раздразливост, депресија, несоница, болки во телото и зголемување на телесната тежина поради задржување на течности. Исто така маслото помага и за олеснување на жешките бранови и ноќното потење за време на менопаузата.