Хранопроводот, желудникот, дебелото црево, панкреасот, црниот дроб – дигестивниот систем ги вклучува сите нив, затоа не е чудно што гастроинтестиналните проблеми можат да се набљудуваат во целата абдоминална шуплина.
Проблем има кога прекршувањата ќе се јават на начини кои не ги очекуваме, како дури и не сфаќаме дека нешто со гастроинтестиналниот тракт не е во ред. Овие 5 симптоми би можеле да ни помогнат при …
1. Грутка во грлото
Кога движењето на храната во грлото се отежни, треба да се консултирате со лекар, особено ако состојбата ќе се влоши. Понекогаш дури и потрошувачката на вода може да биде проблем.
2. Големо количество гасови
Формирањето на гасови во цревата е нормално. Интересен е фактот дека секојдневно во организмот се создаваат околу 2 литри гасови. Состојбата може да насочува за проблем кога е во комбинација со непријатност во стомакот, промена во дефекацијата и необјаснето губење на килограми.
3. Панталоните одеднаш нè стегаат
Ако неочекувано доживееме тешкотии да ги закопчаме фармерките, проблемот најверојатно не се должи на масти околу половината. Надуеноста се случува кога има акумулација на гасови во цревата, и може да биде резултат на прејадување или апсорпција на многу воздух.
Наглото отекување сепак, кое се појавува без очигледна причина и е придружено со симптоми како болка или крв во столицата, веќе е загрижувачко.
4. Ненадејно панталоните ни се премногу опуштени
Необјаснивото губење на тежината може да е симптом на многу здравствени проблеми, но првата причина, за која треба да размислиме е дигестивниот тракт. Ова може да се должи и на состојби како целијачна болест (интолеранција на глутен – б. р.) или Кронова болест.
5. Столицата стекнува темна боја
Крвта во столицата може да е причина таа да стекне црна боја, а кога станува збор за дебелото црево, крварењето никогаш не се смета за нормално. Силната црвена крв, која се забележува на тоалетната хартија, може да се должи на хемороиди.
Во секој случај присуството на сличен проблем наметнува консултација со лекар.