Читањето е феномен на масовната комуникација. Книгата е пријател, инспирација и учител.
Вчера писателката Ана Бунтеска, во Клуб Матица ги потпишуваше своите дела „Стави лајк на сопствениот живот“ и најновата „Колку е потребно за среќа“.
Ана одлучи денот да го помине со читателите и заедно да го прослават нејзиниот роденден.
Ана со години придонесува кон збогатувањето на културниот живот кај нас, со пренесување на емоциите што се дел од секојдневието и реалноста, емоции и чувства што допираат до се повеќе читатели.
Таа со посетителите ги сподели следните зборови:
„колку треба за да ти игра срцето
и очите со смеа да ти се наполнат
колку е потребно да му се насмееш на денот
та да си читаш навечер кога тивко е
и со книжулето под перница да спиеш…“
Саемот „Книга во секој дом“ секоја година го посетуваат повеќе од 30.000 посетители, а покрај во Скопје, љубителите на книгите ќе уживаат и во книжарниците во Охрид, Струмица, Штип, Гевгелија, Прилеп, Кавадарци, Куманово, Струга, Гостивар, Неготино, Делчево, Кочани и други градови.