6 симптоми на мозочен удар- откријте дали и вие сте под ризик

од Vladimir Zorba

Мозочниот удар предизвикува пореметување во мозочната циркулација поради што одредени делови на мозокот се недоволно снабдени со кислород и хранливи материи, а тоа води до оштетување и изумирање на нервните клетки. Секои две секунди некој во светот доживува мозочен удар, а секој шести умира од тоа. Причините се згрутчувањето кое ја затвора артеријата и така го оневозможува протокот на крвта или пак пукање на крвната жила кога крвта ќе почне да продира во околното ткиво. Најчеста причина за оштетување на крвните жили во мозокот кои доведуваат до мозочен удар е артериосклерозата –болест која доведува до создавање на наслаги на маснотии, сврзно ткиво, згрутчувања, калциум и други работи во  крвните жили .Првите симптоми на мозочен удар се :трнење, слабост или одземеност на лицето, рацете или нозете особено ако е зафатена едната страна на телото, пореметување на говорот, отежнато и наразбирливо изговарање на зборовите, потполна невозможност на изговарање на зборовите, или отежнато, односно потполно неразбирање на говорот на друга особа, нагло замаглување  или губиток на видот, особено на едното око или во половината на видното поле настанува силна главоболка пратена со повраќање без јасна причина , губиток на рамнотежата , вртоглавица, несигурност и занесување во одот, ненадејни паѓања поврзани со други симптоми.Што прво да направиме ако се најдеме до некој кој има мозочен удар, објаснува др сц. Хрвоје Будинчевиќ од Клиничката болница „Свети Дух„во Загреб. Нагласува дека прво и основно е за да се препознае мозочниот удар е да се види дали пациентот има обесено лице ? Дали му се немоќни рацете? Има ли пациентот пречки во говорот? .Времето е посебно важно, да се повика итно Брзата помош и да се започне со лечењето.

-По препознавањето на знаците на мозочниот удар и повикување на брзата помош потребно е особата да се смири-доколку е потребно, во случај на пореметување на состојбата на свеста, да се постави особата во странична положба и да се следат виталните знаци(дишење, работата на срцето…)-напоменува  др,сц. Хрвоје Будинчевиќ.

Како да се заштитиме од мозочен удар? Здравата храна и телесната активност од половина час или одење секој ден, се добра рецепта за превенција од мозочен удар. Стручњаците велат дека два до три пати неделно е потребно да се јаде сина риба бидејќи содржи големи количини незаситени масни киселини. Со тоа е дозволено да се испие една чаша црвено вино на ден, најидеално би било вистинско домашно.Имено, црвеното вино спречува создавање на крвни згрутчувања. Добро е да се пие зелен чај бидејќи тој го чисти телото од токсини и го јакне имунитетот. Љубителите на чоколадото ќе ги развесели деталот дека препорака е да се јаде црно чоколадо бидејќи позитивно делува на крвниот систем. И лукот не е без причина на глас како одлична храна за здравје- го намалува крвниот притисок, го спречува згрутчувањето на крвта, го намалува холестеролот. И патлиџанот би требало да се јаде секогаш кога имаме можност бидејќи има исто дејство како и лукот, а освен тоа богат е со каротин, провитамин А или ликопен, кој има антиканцерогено дејство. Во исхраната воведете што повеќе и шумско овошје поради големите количини на силниот антиоксиданс-витаминот Ц , па јаткастите плодови и житарките.

С.В.

Слични содржини