„Парите ги враќаме кај граѓаните. Министерството за труд и социјална политика овој месец направи две исплати од социјална парична помош и туѓа нега односно на 1 септември граѓаните добија една исплата, односно таа што е задоцнета и на 14 септември ја добија втората исплата во истиот месец со цел да се исправи неправдата што им е направена на овие лица од најранливите категории“, рече министерката Царовска.

Надлежните ги проверуваат корисниците на надоместоците, бидејќи како што рече Царовска, досегашните податоци покажуваат дека се правеле злоупотреби на голем дел од правата. Вели, дека и други институции се вклучени во истрагата, а резултатите ќе ги соопштат наредната недела. Информираше дека социјалната инспекција прави контроли на терен и проверува дали редовно се исплаќаат парите.