Ахмети: Важно е резултатот од изборите да биде прифатен од сите учесници

Сите кои што ќе бидат избрани на овие локални избори ќе треба да работат во интерес на граѓаните, изјави лидерот на ДУИ, Али Ахмети, откако гласаше во селото Зајас.

Тој апелираше граѓаните масовно да излезат да гласат без страв бидејќи, како што рече, создадени се сите услови за да се гласа на демократски начин.

-Многу е важно резултатот да биде прифатен од сите учесници во избирачкиот процес. Притоа, сите оние што ќе бидат избрани ќе треба да работат во интерес на граѓаните за да се створат услови за да имаме економски и политички просперитет на општеството – додаде Ахмети.