Германија не очекува македонските политичари да ги игнорираат пораките на еврокомесарот Јоханес Хан, кој вчера порача дека во демократија мора да се почитува парламентарното мнозинство и дека очекува брзо формирање влада, пренесе СДК.
„Не очекувам такво нешто“, одговори германската амбасадорка Кристине Алтхаузер на новинарско прашање како ќе постапи Германија ако политичарите ја игнорираат пораката на Хан.
„Вчера како што знаете, овде беше еврокомесарот Хан и го покажа големиот интерес на меѓународната заедница и на ЕУ за оваа земја, да ја врати Македонија на патот кон интеграцијата во ЕУ и НАТО. Само можам да го повторам она што го кажа тој, а тоа е дека има парламентарно мнозинство и дека треба да се продолжи кон формирањето влада“, кажа германската амбасадорка.