Американско разузнавање: Трамп ќе се соочи со зголемен ризик од меѓународни конфликти

од Vladimir Zorba

 

Владата на новоизбраниот американски претседател Доналд Трамп ќе се соочи со ризик од меѓународни конфликти и отстапување од демократските вредности, предупредува американското разузнавање.

– Случувањата во економијата и политиката, технолошките промени и загубата на лидерството на САД даваат основа за мрачна и тешка иднина, се вели во извештај на Националниот совет за разузнавање насловен – Глобални тенденции:Парадоксот на прогресот.

– Во следните пет години ќе има големи тензии во и меѓу државите. За добро или лошо, глобалниот пејзаж ја турка кон крај ерата на американско лидерство по Студената војна.

Таков извештај се објавува на секои четири години колку е и претседателскиот мандат. Оваа година во извештајот се опишани предизвици со кои ќе се соочи американската влада: екстремни разлики во приходите, демографски потреси, последици од климатски промени, пораст на конфликти.

– Ќе биде многу тешко да се одржи меѓународната соработка и да се управува како што очекува општеството, наведуваат авторите.

Според нив, над моделот на либерализмот, што преовладува во западниот свет, е надвисната закана на популизам – левичарски и десничарски.

– Народите ќе сакаат од владите да им гарантираат безбедност и просперитет, но стагнацијата на приходите, поларизацијата и големиот број предизвици ќе направат пречки, се вели во извештајот.

Слични содржини