Нов состав на Комитетот за безбедно мајчинство, денеска беше избран откако се одржа конститутивна седница Во Министерството за здравства. Нов претседател на Комитетот за безбедно мајчинство е Ана Данева Маркова од Универзитетската клиника за гинекологија и акушерство.
– Членови на комитетот се лица со медицинска експертиза и долгогодишно искуство во областа на гинекологијата, акушерството, неонатологијата, педијатријата и сродни дисциплини, а целта е да се обезбеди сеопфатен пристап кон решавање на проблемите и координација на предложените активности и мерки – се наведува во соопштението од Министерството за здравство.
Министерот за здравство, Венко Филипче, изрази силна поддршка за работата на комитетот за безбедно мајчинство и соработка во однос на сите предлози, одлуки, заклучоци кои ќе бидат донесени за надминување на актуелните состојби со смртноста на новороденчињата.
– Во наредниот период, комитетот кој претставува консултативно тело на министерот за здравство интензивно ќе се сретнува со цел побрзо и поефикасно обезбедување на препораките и предлог – мерките за унапредување на здравјето на мајките и децата, со посебен фокус на намалување на новороденечка смртност – пишува во соопштението.