Претседателот на Сирија Башар ал Асад изјави дека граѓаните на Сирија, земјите од поранешна Југославија „секогаш ги сметале за свои пријатели“.
Тој истакна дека не знае колку џихадисти и терористи од Балканот се борат во Сирија.
Во интервјуто за хрватскиот „Вечерњи лист“ Асад наведе дека можно е Сирија да ги обнови дипломатските и економските односи со Хрватска, нагласувајќи дека Загреб има бројни интереси во Дамаск.
Тој додаде дека се зависи од политичката насоченост на актуелните Влади.
– Ако постоеле грешки во политиката, особено оние што ги направија претходните Влади, многу е лесно за идните влади или за моменталните да бидат обновени тие односи. Ние, во целата наша историја откако се започнати односите меѓу нас и Хрватска сега, а поранешна Југославија претходно, никогаш не сме направиле непријателски чекор кон тие земји. Секогаш сме ги сметале за пријатели, нагласи Асад и запраша какво оправдување има хрватската Влада за пратката на оружје на терористите во Сирија, што ќе биде користено за убивање на невини Сиријци.
– Мислам дека нема оправдување за тоа и се надеваме дека сегашната Влада не го прифаќа тоа, потенцираше сирискиот претседател.
На прашањето: дали постои голем број на џихадисти и терористи од Баканот во Сирија, тој објасни дека нема точни информации поради Турција, што го поддржува зголемувањето на присуството на терористи во Сирија.