Битката меѓу Реал (Мадрид) и Барселона за шампионската титула во Шпанија станува жестока. Двата гиганти се на врвот на табелата со ист број на поени, како и “кралевите” се со натпревар помалку.
Извонредната форма која ја демонстрираа каталонците во Ел Класико, продолжи и против Осасуна. Играчите на Луис Енрике победија со 7: 1. Лео Меси постигна нови два гола и веќе има 502 во дресот на Барса. Само за оваа сезона погодоците се 49 во 48 средби. Андре Гомеш и Пако Алкасер исто беа точни на два пати, а Хавиер Маскерано го реализира својот прв гол за клубот. Во 319-ти натпревар за Барса аргентинскиот репрезентативец беше прецизен од пенал. Всушност Маскерано постигна само по трет пат во кариерата, по два гола за Ливерпул.
“Звучи како анегдота дека играч како Маскерано не постигнал гол”, рече Луис Енрике, тренерот на Барса.
Два часа подоцна и Реал заврши својата работа. “Белите” зедоа гостувањето на Депортиво (Ла Коронел) со 6: 2. Тренерот Зинедин Зидан даде одмор на некои основни играчи. Излезе дека нема проблеми, дури и кога на теренот не е “триото” Кристијано, Бејл и Бензема. Алваро Морати го отвори резултатот едвај во 52-тата секунда. Останатите голови ги реализираа Хамес Родригез на два пати, Лукас Васкез, Иско и Каземиро.
“Најтешката одлука е на тренерот, бидејќи видовте како се претставија денеска, а во следниот натпревар некој од нив нема да игра. ”