Лидерите на политичките сили во парламентот на Белгија го отфрлија предлогот за укинување на бесплатните пиво и вино, понудени во зградата на законодавниот орган, соопшти интернет изданието EUobserver.
“Бесплатниот алкохол за пратениците беше воведен кон крајот на 90-тите години, за да не излегуваат на паузи за време на дебати”, пишува EUobserver.
Се претпоставува дека претседателот на парламентот порачал на независни експерти да ја го проучат прашањето и да дадат предлози, откако имаше несогласување меѓу пратениците кои употребувале алкохол. Комисијата препорача пратениците повеќе да не го користат алкохолот како привилегија.
Во Белгија работодавците им дозволуваат на вработените да пијат мали количини пиво и вино со ручекот. В. Libre Belgique информира дека шефовите на 70% од белгиските претпријатија велат дека се случува барем еден да се врати на работа пијан.
40 проценти од работодавачите се изјасниле дека имале случаи со пијани вработени за време на работа. Според експертите, најмалку 10 проценти од населението на Белгија, што е 11,3 милиони, злоупотребува алкохол, но само 12% од поданиците на кралството кои имаат проблем со алкохолот, побарале медицинска помош.
Според податоци на Европската асоцијација за борба против алкохолизмот околу 23 милиони државјани на ЕУ, односно околу 5%, страдаат од алкохолна зависност. Во 2014 година Европарламентот усвои резолуција во која се повикува Европската комисија да подготви нова стратегија за борба против злоупотребата на алкохол во 2016-2022 година. Според медиумски публикации, годишно во ЕУ од алкохолизам умираат 200 000 луѓе. Една четвртина од нив се мажи на возраст 15-29 години. Највисока е смртноста од алкохолизам во Естонија.