БЕСА: Екстремистите и Биљал Касами насилно ги кршат канцелариите и го загрозуваат Движењето

од desk2

Од Движењето БЕСА во Скопје денеска информираат дека нивното седиште, кое било под заштита на една осигурителна компанија, било нападната од вооружени лица, кои ја искршиле бравата и насилно влегле во нејзините простории.

„Се сомнева дека насилниците се некои екстремисти од Чаир и с. Ларце од Тетово, а придружуван од тие лица, во седиштето дошол и веќе разрешениот претседател, Биљал Касами. Како и да е, во името на членството на Движењето БЕСА, во име на Централното претседателство, во име на Централниот совет и во име на апсолутното мнозинство на Движењето БЕСА, ние го осудуваме овој насилен чин и очекуваме од безбедносните органи да го расветлат овој настан и причинителите на овој вандализам да одговараат пред правосудните органите – се наведува во соопштението од партијата.

Од таму тврдат дека им е жал што Биљал Касами во соработка со екстремисти од Чаир насилно ги кршел не само канцелариите на Беса, туку најгрубо ги крши и вредностите кои Движењето БЕСА ги донесе на политичката сцена.

Слични содржини