– Во Договорот со Бугарија постојат аргументи со кои се потврдуваат македонската нација како посебност и македонскиот јазик и тоа за нас е комплетно затворено прашање, рече денеска владиниот портпарол Миле Бошњаковски.
Одговарајќи на новинарски прашања, Бошњаковски подвлече дека со Договорот минатото и историјата се поставени како темел на иднината.
– Исклучително е важно да се фокусираме на позитивните аспекти. Договорот е основа за добрососедство и пријателство, ќе помогне за поврзување на патната и гасната инфраструктура, ќе ја унапреди размената на стоки, услуги и капитал, дава силен импулс за изградба на Коридорот 8 за што во Трст се веќе добиени средства, овозможува царински и гранични олеснувања,…, истакна Бошњаковски на прес-конференција.