Бред Пит е под истрага на полицијата и социјалните служби во Лос Анџелес, како што излезе веста дека тој физички и вербално ги нападнал своите деца.
Изворите изјавуваат дека тој наводно се опијанил и почнал да вика, за време на летот на приватниот авион и откако слетале на пистата тој продолжил со неговите “проповeди”.
“TMZ” известуваат дека најверојатно ова бил инцидентот, кој се случил минатата среда, што ја поттикна Анџелина да го поднесе барањето за развод наредниот ден.
Се верува дека Пит е под истрага и дека тој и Џоли биле интервјуирани како дел од истрагата, додека властите планираат да разговараат и со нивните деца.
Близок извор на Пит тврди дека тој ситуацијата ја сфаќа многу сериозно, меѓутоа дека не извршил никакво злоупотребување на неговите деца.
Колега на двајцата актери во меѓувреме изјави за “Access Hollywood”, дека иако Џоли сака децата да имаат постоечки однос со нивниот татко, во моментов не планира да му дозволи права за посетување.
И додека тој бил свесен за можноста за развод, сепак бил изненаден од моментот на поднесувањето.
“Тој апелираше таа да го направи ова тивко- не за да го спаси бракот, туку за доброто на нивните деца- но беше игнориран од нејзина страна.
Секако дека постоеше преломен миг, и таа едноставно не можеше повеќе. Најверојатно нешто се скрши во него и тој кажа дека не може да продолжи понатака, и таа реагираше.
Ситуацијата веќе некое време беше тешка” – изјавува близок извор на актерот.
Додека пак оние блиски на актерката велат: “Нештата се градат и се градат со текот на времето. Не станува збор за една или за друга работа.
Таа го сакала овој човек со години и бракот не е одлука што може да се донесе имплусивно.
На крајот таа го направи она што морала да го направи.”
Кратко по изјавите на адвокатот на Џоли со кои што јавно беше потврдена веста за разделбата, актерот за весникот “People” изјави:
“Јас сум многу тажен поради ова, но она што во моментов е најважно е благосостојбата на нашите деца. Љубезно го замолувам печатот да им го даде просторот што го заслужуваат во текот на овој предизвикувачки период.”