Парламентот на Велика Британија го поддржа предлогот на премиерот Тереза Меј за предвремени парламентарни избори, објавија британски медиуми.
522 пратеници гласаа за предвремени избори, а 13 (деветмина од лабуристите, тројца независни и еден од Социјалдемократската и Лабуристичка партија) гласаа “против”.
Според британски закон, фиксен рок за спроведување на избори, за усвојувањето на предлогот на премиерот беше потребен со мнозинство од 2/3 или 509 пратеници.
Изборите ќе се одржат на 8 јуни.
На почетокот на дебатата премиерот Меј изјави пред пратениците дека изборите ќе и дадат на земјата силно и стабилно лидерство.Ќе бидат во национален интерес , истакна таа.
Според неа државата има потреба од три нешта: силна економија, силна одбрана и силно лидерство.
Таа не пропушти да го нападне и лидерот на лабуристите Џереми Корбин.
Корбин ќе ја банкротира економијата, ќе ја ослабне одбраната и не е способен да раководи, појасни премиерот.
За време на дебатата пред гласањето во законодавниот орган Зелените повикаа да се овозможи на 16 и 17-годишните Британци да гласаат на изборите.
ITV и БиСиСи најавија дека ќе организираат предизборни дебати.
Во исто време стана јасно дека поранешниот министер за финансии Џорџ Озборн го напушта парламентот и започнува работа како уредник во Evening Standard.