Талат Џафери ќе биде новиот претседател на Собранието на Република Македонија, изјави за „Порталб“, портпаролот на ДУИ, Бујар Османи.
Според Османи, Талат Џафери е единствениот кандидат на ДУИ и парламентарното мнозинство. Доколку Џафери го помине гласањето за избор на претседател на Собранието, кое ќе се одржи следната недела, тој ќе биде првиот албански спикер на законодавниот дом.
Новиот претседател на Собранието треба да го извести претседателот на државата Ѓорге Иванов, дека има парламентарно мнозинство, а Иванов потоа во рок од 10 дена да го додели мандат за формирање влада на лидерот на СДСМ Зоран Заев.
По три дена преговори, претставниците на парламентарните политички партии се договорија претседател на Комисијата за избори и именувања да биде Илија Димовски од ВМРО-ДПМНЕ, а конститутивната седница да продолжи во понеделник.
Во Комисијата, ВМРО-ДПМНЕ ќе има шест члена во Комисијата за прашања на изборите и на именувањата, СДСМ – пет, а ДУИ и Беса по еден член.