Директниот судар на два патнички воза во јужна Германија со десет жртви и десетици повредени е предизвикан од „човечка грешка”. Ова го изјави извор, близок до истрагата, јавува германската новинска агенција ДПА.

Засега не е јасно кој точно е одговорен за несреќата.

Во несреќата 18 лица се тешко повредени, а 63 се со полесни повреди, соопшти полицијата.

Се смета дека лице кое се води како исчезнато, се уште се наоѓа меѓу остатоците од возот. Полицијата вели дека нема големи шанси тој да преживеал.