Во интервју емитувано на грчката телевизија ЕРТ грчкиот премиер Алексис Ципрас изјави дека нема да поднесе оставка, иако бил принуден да прави уште нови мерки за штедење во Грција, пренесоа американските медиуми.

Нема да побегнам од своите одговорности, рече Ципрас, кој се соочува со растечки немири во сопствената радикална левица СИРИЗА, откако наруши предизборни ветувања, постигнувајќи договор со грчките кредитори за трети спасувачки план за Грција, која сепак предвидува уште штедење, посочува агенцијата.
Ципрас го критикуваше постигнатиот договор, но додаде дека тоа е најдобро што можеше да го добие Грција. Политиката која ни ја наметнаа е ирационална , но таа ни овозможува да излеземе од кризата, посочи Ципрас. Потпишавме  договор во кој не верувам, но имам желба да го применувам и ќе преземам одговорности, рече Ципрас, цитиран од Ројтерс.

Договорот што го потпишав, ќе избегне несреќата за Грција, истакна премиерот, пренесува Франс прес. Договорот претпоставува де факто реструктуирање на долгот, додаде Ципрас, цитиран од агенциите.
Тој потсети дека ноќта во која била договорена грчката трансакција била лоша ноќ за Европа. Тогаш Грција била исправена пред дилемата да се согласи на барањата на доверителите за тешки структурни внатрешни реформи или да банкротира, посочуваат агенциите и ДПА, цитирани од агенциите. Ципрас додаде дека позицијата на  која ЕУ за време на преговорите не и прави чест на демократска Европа, но призна дека преговорите не биле лесни за никого, пренесоа агенциите.

Ципрас рече дека е  постигнат договор со доверителите кој  предвидува тешки структурни реформи, но додаде дека во овој случај не е станувало збор за апсолутен  ќорсокак на ултиматумот, поставен на Грција на 25 јуни и за кој Грците рече “не” на референдумот од 5 јули, наведува ТАСС. Се обидов со сите сили, со сета своја енергија да постигнам нешто што беше можно да се направи така што овој договор да  имплицира де факто реструктуирање на долгот, како и обврски задо 2022 година, како и за последниот период, рече Ципрас. Договорот е комплициран и лош на некои места, додаде премиерот, но изрази надеж дека буџетската консолидација во Грција сега ќе се одвива по меко, дополнува ТАСС.