Грчкиот премиер Алексис Ципрас ги заштити направените од неговата Влада предлози на доверителите на Грција и истовремено призна дека тие содржат тешки мерки и се далеку од предизборните ветувања на екстремната левица , пренесоа Франс прес и Ројтерс, цитирани од Дарик.

Ципрас призна дека дозволил грешки во речиси шесте месеци откако дојде на власт, но увери дека направил “сè “.

Во говорот пред пратениците, тој рече дека тие се соочуваат со високо-одговорен избор и го носат “националниот долг за да го задржат народот жив”, повикувајќи ги да одобрат пакетот реформи и финансирање предложен од Атина на доверителите од ЕУ и ММФ.

Ципрас предупреди дека тешкотиите нема да исчезнат дури и ако во текот на викендот се дојде до договор.

“Отсега натаму сме пред миниран терен, полн со стапици, не го кријам. Признавам дека програмата за реформи е тешка”, рече премиерот.

Предлогот на Грција кон доверителите сепак содржи предности, истакна тој.

“Ќе имаме финансирање за три години” наместо предложените во крајот на јуни од кредиторите пет месечен “инвестициски план и за првпат водиме сериозна дебата за реструктуирање на долгот”, истакна Ципрас.