По победата над Косово прва за македонската кошаркарска репрезентација во предквалификациите за Светското првенство, селекторот Јорданчо Давитков, на прес-конференцијата покрај анализата на мечот, со свои очекувања и за последниот натпреваро против Естонија.
Со оглед на огромната важност и можноста со евентуален пораз да ги загубиме сите шанси за пласман во квалификациите за Мундијалот, Давитков искрено посака помош и од Господ.
– Психички тежок меч. Среќни сме поради победата и сега одиме понатаму, на мечот во Естонија. На играчите им кажав дека ова беше средба само за нас, ние сме тие што го потрошивме цело лето и ова е награда за сиот вложен труд.Најмалку шест пати го гледав дуелот со Естонија во Скопје, кој ако победивме оценките ќе беа дури и дека сме играле добро. Ќе се обидеме и таму да ги сопреме нивните шутери. Факт е дека досега не сме имале натпревар со шут од 40-отсто за тројка и со десетина и повеќе поголеми удари од оваа позиција. На Господ не сме фрлале со камења , па се надевам на негова помош во Талин, изјави Давитков на пресот.
Во пресрет на последните два меч, првиот меѓу Естонија и Македонија во среда, а последниот во сабота меѓу Косово и Естонија, на табелата сите три селекции имаат по 4 бода, со тоа што Естонците максимални две победи, а Македонија и Косово по една победа и два порази.