Лидерите на земјите членки на ЕУ се собираат на самитот во Брисел, за да разговараат за излегувањето на Велика Британија од ЕУ. Денес дискусиите ќе бидат со британскиот премиер Дејвид Камерон, кој поднесе оставка по резултатите од референдумот, но во рок од два месеци ќе ги извршува функциите на влади.

Во среда средбите и разговорите во Брисел веќе ќе се одржуваат без присуство на Камерон. Постапката за излегувањето на Велика Британија од ЕУ е опишана во Лисабонскиот договор, како последно нејзино уредување и е од 2009 година Таа претпоставува пред се  како  страна која ја напушта  инијата  да даде формално известување за одлуката за излегување. Набргу по објавувањето на официјалните резултати од т. н. “Брекзит” Камерон најави дека преговорите за излез ќе започнат по изборот на нов премиер на есен. Лидерите на земјите од ЕУ се согласија за заедничка изјава во која се прогласува неодамнешното  известување од страна на Лондон за неговата одлука за излез, за ​​да не се создава атмосфера на несигурност. Подоцна истиот ден на состанок во Луксембург министрите на повеќето земји членки на ЕУ потврдија дека Велика Британија не е обврзана да брза да излезе со официјална пријава.

Така што  на самитот во Брисел од Камерон не се очекува официјална апликација за излез. Како причина се наведува тоа дека резултатот од референдумот доведе до политичка криза во земјата и властите немаат подготвеност да реагираат. Рокот за официјално поднесување на пријавата од Велика Британија ќе биде главна тема на работната вечера на држави и влади вечерва.

Сепак, поред правилата на ЕУ, откако тоа ќе се случи, Велика Британија ќе има две години да преговара за условите за развод од ЕУ, освен ако останатите 27 земји-членки едногласно не се согласат да го продолжат процесот. Исто така, Обединетото Кралство мора да преговара и за својата иднина во однос на трговските односи со ЕУ.
Германската канцеларка Ангела Меркел изјави дека на новата влада на Велика Британија мора да и се даде време да се подготви, но таа, исто така, рече дека процесот на напуштање на Унијата не може да се одложува на неодредено време поради стравувањата од „зараза“ за организацијата што се соочува со повеќе економски и политички предизвици. Францускиот претседател Франсоа Оланд и премиерот на Италија Матео Ренци се согласија со својот став. Токму затоа денеска во Брисел преовладува ставот дека и покрај тоа што формално е се уште полноправен член на Унијата, дека Велика Британија повеќе не е посакувана на масата на ЕУ-земјите.
Во исто време, денеска и Европскиот парламент, исто така, ќе се состане во на итна седница за да расправа за последиците од гласањето за Бргезит, каде се очекува да изгласа необврзувачки документ со повик до Британците за „итно активирање“ на член 50 од Лисабонскиот договор со цел да започнат формалните преговори за излез на Обединетото Кралство од Унијата.