Поради неочекуваната безбедносна ситуација во изминатите денови, закажаниот почеток на првиот фестивал на живи статуи во Скопје “Урбан Фест“ беше одложен за денеска во 13:00 часот.
Програмата во малку изменето издание, но сепак со сите претходно најавени учесници ќе се оствари денеска помеѓу 13:00 часот и полноќ, на „Сквер Јадран“ во Центар.
На денешниот настан свое учество ќе земат артисти од Македонија, Србија, Бугарија, Германија,Босна и Херцеговина, Холандија и Португалија.
Викендов ќе се одржи првиот меѓународен фестивал на живите статуи во Скопје „Урбан Фест“
Музичкиот дел ќе падне на товар на Летечки Пекинезери и Бугимен, а од 19 часот товарот ќе го носат Шурбе и Фолтин.
„Во име на љубовта, убавата енергија и уметноста дојдете да се дружиме“, порачуваат организаторите Театро Ск, под покровителство на Општина Центар.