Премиерот на Канада Џастин Трудо непланирано „влезе во кадар“ на матуранти на Стенли Парк шеталиштето во Ванкувер.
Познато е дека Трудо се занимава со спорт, а овојпат трчал на патеката, покрај популарното шеталиште. Откако ја поминал групата матуранти кои се подготвувале да направат фотографија која ќе ја чуваат целиот живот, еден од матурантите го забележал.
– Ние се фотографиравме и се дружевме кога Трудо протрча покрај нас. Во почетокот се прашувавме зошто премиерот би трчал тука, а потоа почнавме да го повикуваме, раскажа Константин Марагос за Си-Би-Ес.
Потоа сите почнаа да го поздравуваат и довикуваат, а Трудо се врати за да се слика со нас. Напрвивме и заедничка фотографија.
Не е првпат Трудо неочекувано да се појавува на фотографија со непознати луѓе. Во август 2016 година непланирано се појавил на фотографија со една девојка која се подготвувала за венчавка на плажа, а истиот месец едно канадско семејство налета на него кога излегувале од пештера во паркот во Квебек.