Воениот удар во Турција е еден театар. Ова го рече директорот на Националниот бугарски историски музеј, Божидар Димитров.

“Се повеќе сум склон да верувам дека она што се случи во Турција е еден театар. Толку високи офицери, толку полковници и подполковници би требало да знаат како се прави воен удар “, рече проф. Димитров во етерот за Радио К2.

Според него, за да е успешен државниот удар, потребно е во првите минути уште да бидат уапсени премиерот и министрите. Потоа да се прогласи привремена влада и декларација со која ќе се изјават целите и намерите. Трето проф. Димитров посочи дека е потребно да се воспостави контрола врз 19-20 клучни објекти. Според зборовите на Божидар Димитров војската во Турција не направи ниту една од трите работи.

“Ердоган си седеше, го пиеше своето виски во Бодрум и по едно време се појави и ги стави работите под своја контрола”, изјави Димитров.

“Целта е да се ликвидира армијата. Пред 10-на години беше држава во држава и имаше право да се меша ако смета дека е нарушен световниот карактер на државата “, рече Димитров и потсети за успешните преврати во Турција до сега.

Во однос на тоа дали треба да се свикаат вонредна седници на МСП и НС, како и Советодавниот совет за национална безбедност, Божидар Димитров потсети дека Борисов веќе свика вонредн седница на дел од министрите и раководителите на службите уште ноќеска. Најважните прашања за следниот претседател се каква ќе биде балканската политика, политиката кон Македонија, што мисли за армијата, каква ќе биде позицијата за бугарската дијаспора, итн.
“По неколку дена откако се видат резултатите, ќе се утврди дали диктатура на Ердоган, ќе тргне ли кон Бугарија веќе од Турција, тогаш може да се свика Консултативен совет за национална безбедност”, изјави Димитров.

“Ердоган ја презел обврска кон ЕУ, а тој е личен пријател на Бојко Борисов, веќе запре еден бегалски проток. Речиси сме ја завршиле оградата и ќе биде тешко таа да се надмине “, одговори проф. Божидар Димитров на прашање по темата за евентуално влошување на проблемот со бегалците по воениот удар во Турција. Според зборовите на историчарот Турција нема да биде примена во ЕУ и го цитира поранешниот британски премиер Камерон, според кого тоа може да се случи околу 3.000 година.

“ЕУ е еден христијански клуб. Не може да бидеш во него со земја одд 72 милиони лица, во која само 2% се христијани “, истакна Димитров.

Во однос на приближувањето меѓу Ердоган и Путин Божидар Димитров истакна дека тоа не е шоу, како што е воениот удар, бидејќи и двете страни губат. Градежни фирми губат, како и туризмот, според Димитров. “Резултати се постигнуваат со тивка дипломатија. Мирот на Балканот не е загрозен, не гледам особени опасности. Приказните за флотила во Црното Море се полни глупости “, додаде тој.