Само до пред два дена партиите ВМРО-ДПМНЕ, СДСМ, ДУИ и ДПА потпишаа договор за создавање услови за одржување на парламентарни избори на 11 декември оваа година.

ДС имаше резерви околу договорот, посебно за неговата имплементација. Со вечерашните опструкции и гласањето против промените во Изборниот законик од страна на ДУИ, во суштина почнаа дворските игри за пролонгирање на изборите. Ваквите опструкции се поради падот на рејтингот на владејачките партии (ВМРО-ДПМНЕ и ДУИ), на кои не им одговараат брзи избори.

Граѓаните бараат брзи избори, за да се случат промени, да се воспостави владеење на правото и да се расчисти со креаторите на кризата.

ДС очекува под притисок на јавноста, да започне имплементација на договорените обврски за одговорност на тие што ги кочат реформите и промените.