НОВО! Едно лице загина и 10 се повредени при напад пред џамија во Лондон

од Vladimir Zorba

Инцидентот се случи во 00:20 по локално време во северниот дел на британската престолнина.

Едно лице загина, а 10 други се повредени, кога  маж со комби синоќа по полноќ влета во група верници кои излегувале од џамијата во лондонската населба Фајнсбури Парк, соопшти полицијата.

– Едно лице загина на самото место. Осуммина се хоспотализирани, а на две лица им беше укажана медицинска помош на местото наљ настанот, се наведува во соопштението на лондонската полиција.

Напаѓачот на возраст од 48 години бил задржан од присутните околу местото на инциднетот, а потоа бил упасен од страна на полицијата и пренесен во болница, со цел да се процени неговата психичка состојба.

Британскиот Совет на муслиманите го окрактерзира инцидентот како „терористички напад врз верници“. 

– Од сведоштвата на очевидци очигледно извршителот бил мотивиран од исламофобија, изјави генералниот секретар на Советот, Харун Хан.

Британската премиерка Тереза Меј од своја страна нагласи дека лондонската полиција го разгледува случајот како „можен терористички напад“, сепак е рано да се окарактеризира нападот.

Слични содржини