Ако има филмови, кои нè радувале како деца и кои сакаме да ги гледаме и до денес, тогаш тоа се анимациите на Дизни. Најубавите самовилски ликови се дел од приказни кои можеби се случуваат и во реалниот свет. Инспирирани од нив сакаме да ви ја презентираме најновата, но не помалку убава принцеза на Дизни – Елена.
Принцезата Елена е од магичното Кралство Авалор што успева да го спаси од злите сили и со помош на своето семејство и пријателите, сега таа треба да управува со кралството како престолонаследничка, додека не порасне доволно за да стане кралица. Елена е уште една принцеза-тинејџерка.
Како и во повеќето приказни за принцези, така и во оваа анимирана бајка Елена мора да помине низ голем број незгоди, за да стане храбра, силна и милосрдна кралица.