Турскиот претседател Реџеп Ердоган ја критикуваше германската канцеларка Ангела Меркел, поради обезбедувањето азил за Турците, коишто избегале по подигнатото обвинение за учество во неуспешниот државен удар од 15 јули минатата година.
“Ние во агендата ги вклучивме војниците, чии барања за азил беа прифатени”, рече Ердоган, кој беше циритан од Хуриет, а весникот се повика на средбата со Меркел во рамките на самитот на НАТО што се одржа во четврток во Брисел.
“Прашавме:” Како тоа можете да го направите”, посочил турскиот шефот на државата, пренесува весникот “Хуриет”.
По обидот за преврат десетици турски дипломати и високи функционери побараа азил во Германија, бидејќи Анкара ги продолжи репресиите против оние осомничени за врските со муслиманскиот свештеник Фетулах Ѓулен, кој живее во САД.
Токму него Анкара го обвинува за обидот за преврат. Германски медиуми овој месец објавија дека многу турски воени аташеа и нивните семејства, држејќи дипломатски пасоши, веќе добиле азил. Според Ердоган, Меркел му рекла дека “не треба да ја упатува вината кон неа”.
Односите меѓу Берлин и Анкара се затегнаа уште во јули, но се влошија нагло пред неколку недели за време на кампањата за референдумот за проширувањата на овластувањата на Ердоган.
Тензиите се зајакнаа и откако турските власти го уапсија новинарот Дениз Јучел дописникот на весникот “Ди Велт”, против кои беа покренати терористички обвинувања.
Вчера германското Министерство за внатрешни работи соопшти дека 217 од молбите за азил доаѓаат од Турци, држејќи дипломатски пасоши, а други 220 беа од лица со пасоши издадени на други државни службеници.
Не е официјално познато колку добиле азил или колку од нив се воени аташеа офицери или војници. Ердоган, исто така, рече дека прашањето за германските пратеници кои сакаат да ја посетат воената база “Инџирлик”, е разгледана од двајцата лидери.
Анкара не им овозможи на германските пратеници да ја посетат базата овој месец, а шефот на државата рече дека Турција претходно сака листа на оние кои ќе дојдат, бидејќи некои пратеници “отворено ги поддржуваат терористите”. Пратениците ја повлекоа посетата, но не и пред Берлин да ги предупреди дека може да ги премести 250-те војници распоредени во базата. Тие најверојатно ќе бидат префрлени во Јордан.