Излезноста од 86 проценти на вчерашните избори во Турција ја покажува моќта на демократијата во земјата, се наведува во заедничко соопштение на Високиот претставник на ЕУ за надворешна политика и безбедност Федерика Могерини и Еврокомесарот за проширување Јоханес Хан.

Според Могерини и Хан фактот дека сите големи турски патии ќе бидат претставени во новиот состав на парламентот е особено важно, истовремено изразувајќи очекување да се запознаат со оценките на набљудувачката мисија на ОБСЕ.

Очекуваме брзо формирање на нов парламент и на нова влада, со цел потесно да соработуваме. Претстојниот период ќе биде можност за продлабочување на односите меѓу ЕУ и Турција, и за напредок во сферите на соработка, се наведува во соопштението на Могерини и Хан. /МИА