Босна и Херцеговина денес очекува министрите за надворешни работи на ЕУ да го одобрат барањето за членство – почетокот на долг пат, кој може да биде оцрнет од референдум на босанските Срби, илустрирани нагледно во длабоката етничката поделба во земја, раскажува “Ројтерс”.
Државата не за прв пат се обидува да добие статус на кандидат за членство. Но во моментов уште еднаш интегритетот и е загрозена поради недоразбирања меѓу владите на составните делови.
“Очекувам да добиеме позитивно мислење од Советот за општи прашања на ЕУ, едноставно затоа направивме сè што се бараше од нас”, објасни министерот за надворешни работи на Босна Игор Црнадак.
Интеграцијата на Западен Балкан е една од најголемите цели на ЕУ. Членството во Унијата се гледа како гарант за мирот во регионот, кој продолжува да ги трпи последиците од жестоките војни, пропратни по распадот на Југославија во 90-тите години на минатиот век.
Босна ја поднесе својата апликација за членство во февруари, но Република Српска- една од составните делови на земјата – ги отфрли клучни услови наметнати од Брисел, вклучително и проширувањето на трговскиот договор со Хрватска.
Под притисок на Западот Србите сепак се согласија на компромис во јули, ослободувајќи го патот за позитивна одлука за членството на Босна и Херцеговина.
Но поделбата во земјата останува и 20 години по завршувањето на војната, а ситуацијата во државата дополнително влошена од тешката економска ситуација и лошата инвестициска клима.
Овие поделби се гледаат и од плановите на Република Српска да организира референдум за одбележување на националниот празник на 9 јануари – т.н.. Ден на државноста, кој се совпаѓа со датумот на кој босанските Срби најавуваат република и тоа ги забрза настаните кои доведоа до тригодишниот граѓански конфликт.
Овој чин ја налути католичката хрватска заедница и босанските муслимани.Денот се совпаѓа и со верски православен празник.
Во саботата уставниот суд на земјата се произнесе против организирањето на такво гласање, но босанските Срби изјавија дека сепак ќе го одржат. Гласањето е закажано за 25 септември.
Црнадак, кој исто така е еден босански Србин, смета дека референдумот нема да и попречи на земјата за членство во ЕУ. Тој изјави дека се надева дека ќе биде пронајден законски начин за одбележување на 9 јануари.