Лидерот на општински совет во финскиот град Иматра град во близина на границата со Русија и двајца локални новинари беа застрелани на излегување од ресторан подоцна вчера, пренесе АФП, повикувајќи се на полицијата.
Инспекторите велат дека трите жени најверојатно се убиени од маж со пушка, кој подоцна бил уапсен.
Осомничениот бил подложен на сослушување, но и покрај тоа мотивите за нападот остануваат непознати. Според властите најверојатно мажот ќе ги открие причините за нападот по повторен распит.
“Напаѓачот е маж на 23 години, Финец. Во моментот изгледа дека жртвите биле избрани случајно “, изјавија од раководството на истрагата, според кои напаѓачот е криминално регистриран.
Исто така, во моментот нема информации дека пред инцидентот убиените жени се познавале меѓусебно.