Една од најкултните сцени во филмската историја секако е онаа од филмот „Психо“ во која Марион Крејн вреска под тушот додека убиецот ја напаѓа со нож.

Во телевизиската серија „Бејтс Мотел“, која се базира на приказната од овој популарен филм на Алфред Хичкок, продуцентите решија да „набават“ девојка која исто така ќе стои под млаз вода и ќе ја повтори оваа врискачка сцена.

Во оригиналниот филм жртвата ја глумеше Џенет Ли, а сега оваа чест и припадна на девојката која, според „Холивуд Репортер“, е целосно различна од неа. Имено, во „Бејст Мотел“ улогата на жртвата ја доби пејачка Ријана.

– Слушнавме дека Ријана ја обожува серијата, а бидејќи и ние сме нејзини големи фанови, ова претставува совршен спој на креативност и судбина, изјавија продуцентите Карлтон Кус и Кери Ерин.

Ријана ќе се појави во петтата сезона на серијата, која воедно ќе биде и последна.