Српскиот принц Михајло се ожени за убавата фармацевтка Љубица Љубисавлевич. Принцот Михајло ѝ се вети на омилената во црквата “Св. Георги “во српскиот град Опленац, каде се погребани посмртните останки на членовите на неговата династија.
Триесетгодишниот принц и убавицата се венчаа на верска православна церемонија, пренесена од таблоидите, но и од другите медиуми во Србија. Церемонијата беше проследена со прием во Белата палата.
Само околу сто и педесет приврзаници на кралското семејство се собраа покрај црквата, каде не беа преземени никакви безбедносни мерки – неспоредливо со стоте илјади лица кои се собраа во Белград пред речиси еден век за свадбата на дедото на младоженецот – српскиот крал Александар I Караѓорѓевиќ.
Монархијата во соседната држава беше отстранета од комунистичкиот режим наметнат од Тито по Втората светска војна.
Михајло е роден во Лондон, а се утврдува во Србија пред околу 10 години. На свадбата ѝ претходеше граѓанска церемонија во британската престолнина.
Принцот организира голем број на хуманитарни настани и во обид да се ангажира со проблемите на земјата, тој продолжува да лобира за српските интереси во светот.
