Во повеќе градови низ Република Македонија денеска на протест се кренаа средношколците. И струшките средношколци преку протест се спротивставија на лошите реформи во образованието.

struga-protesti5

Средношколскиот пленум во Струга денеска организираше протестен марш по повод воведувањето на математика како задолжителен предмет на државна матура и воведување на електронски начин на полагање на истата.

struga-protesti2

Од мостот во струшката чаршија, преку кејот на реката „Црн Дрим“ до мостот на поезијата и низ струшката чаршија, средношколците порачаа дека нема повеќе да молчат и дека ќе се спротивстават на, како што рекоа, лошите реформи.

struga-protesti3

Бараме математика да не е задолжителен предмет во матурата, односно бараме да се воведе стариот начин на полагање на матура и целосно да се укине екстерното тестирање – порачаа струшките средношколци.

struga-protesti4

Тие додадоа дека сами се организирале и дека денеска на протестот присуствуваа средношколци од сите учебни години и од сите националности.

struga-protesti6

Слични содржини