Граѓанското движење „Протестирам“ вечерва од 16 часот ги одржа вторите протести во центарот на Прилеп. Протестантите се собраа на плоштадот „Александрија од каде беа упатени истите барања, меѓу кои да се одложат изборите од 5 јуни, во разрешувањето на кризата да се вклучат претставници на граѓанското општество и во меѓувреме да се формира преодна влада.
– Последното барање е преговорите за разрешување на кризата да се одвиваат, овде во Македонија, а не во странство, нагласи Јане Ѓорѓиоски од движењето „Протестирам“, потсетувајќи дека протестите ќе се одржуваат се до исполнувањето на барањата.
Протестантите по булеварот „Гоце Делчев“ се упатија пред зградата на Основниот суд „Прилеп“ и потоа се вратија во центарот на градот скандирајќи „Нема правда нема мир“.