Демонстрантите напишаа СЛОБОДА на столбовите на оградата на објектот на Владата на РМ во Скопје. Граѓаните што вечерва маршираше низ улиците на Скопје се пред Владата на РМ, каде што од подготвена бина – се пуштаат и „бомби“.
Тие ја обојија и зградата на Владата. Топките со боја беа фрлани со чатал. Со него беше гаѓан и Парламентот. А, Шарената Револуција ја обои и Триумфалната порта.
Шарената револуција денеска е насочена против изборите на кои ќе учествува само една партија-ВМРО-ДПМНЕ. Граѓаните го обоија Собранието во знак на револт и побараа одложување на како што велат, еднопартиски избори, на кои ќе немаат опција за избирање.
На денешните транспаренти пишува „Молкот е еднаков на смрт“, „Шарам правда барам“ „Збогум Никола“, „Изрод по изрод револуција“, а демонстрантите слушаат и патриотски песни, како и снимки од изборните нерегуларности.