По еднодневна пауза  вечерва протести се закажани во повеќе градови низ Македонија.

Иницијаторот „Протестирам” најави протест во 18 часот, кој ќе започне пред канцелариите на Специјалното јавно обвинителство во Скопје. Атмосферата од Скопје ви ја пренесуваме низ фотографии, пред самиот почеток. Градот веќе е блокиран и возилата тешко се движат. Маса на народ се движи кон СЈО.

Против одлуката на претседателот Ѓорѓе Иванов за општото помилување ќе се протестира и во Битола, Штип, Велес, Струмица и Куманово. Поддршка за протестите, во меѓувреме дадоа и помалите партии на албанците во Македонија.

Истовремено, од Граѓанското движење за одбрана на Македонија (ГДОМ) во 19 часот организираат контрапротести на плоштадите во Битола, Штип и Велес, против, како што велат, кризата наметната од опозицијата.