„Став наместо страв“ е мотото на вечерашниот протест на Шарената револуција. Голем број на граѓани вечерва откако се собраа пред СЈО тргнаа кон зградата на Владата.. „Од оваа борба нема откажување! Нема да не заплашат заканите и притисоците! Нема да не заплашат повици за информативни разговори! Марширајќи по улиците се ослободуваме, а сега чекориме кон институциите за да ги ослободиме и нив. Нашите зборови, свирежи и бои се предвесник на едно ново време. Време на активни граѓанки и граѓани кои ќе ги зауздаат разулавените и одметнати институции“, велат од Протестирам.