Низ улиците на Скопје во овие моменти трае граѓанскиот протестен марш против очекуваната одлука на Уставниот суд со која ќе му се овозможи на претседатеалот на државата можност за помилување за изборни измами, како и на осудени за педофилија и други тешки дела. Протестот е во организација на граѓанската иницијатива АЈДЕ!,

Невладините активисти  вчера доби поддршка и од опозициската СДСМ. Лидерот на партијата, Зоран Заев, ги повика граѓаните на протест за заштита на Уставот.

Граѓаните се собраа пред Владата, а од таму продолжија кон канцеларијата на Иванов на Рекорд, па беа пред Собранието, и планирано е да се упатат пред зградата на Уставниот суд каде ќе има ноќно „бдеење“, во пресрет на утрешната седница, која судот во последен момент ја затвори за јавност.

Фотографии од претходно, од текот на маршот од Влада кон Собрание:

Во продолжение и дел од фотографиите од почетокот на протестот пред Владата:

Сепак, уште од денеска напладне просторот околу Уставниот суд го запоседнаа граѓани кои се појавија на контра-проест. Официјално, како организатор се јави градоначалникот на Карпош и претседател на ГРОМ, Стевчо Јакимовски, но за протестот се собираше присуство преку владејачката ВМРО-ДПМНЕ.

Контра-демонстрантите не знаеја да објаснат зошто се таму, но кажаа дека се спремни и да се тепаат доколку има потреба.

Фото и видео – Твитер