Земјите во Шенген зоната на ЕУ почнаа да воведуваат повторно граничната контрола во 2015 година за време на огромниот прилив на мигранти и бегалци и по серијата напади на исламисти.
Пристигнувајќи на средбата на министрите за внатрешни работи на ЕУ, германскиот министер за внатрешни работи Томас де Мезиер изјави дека Берлин се уште е ангажиран со слободата на движење “, но во моментов не можеме да поминеме без (гранични) проверки “.
“Причината е напнатата безбедносна ситуација во Европа во однос на меѓународниот тероризам и сеуште недоволната заштита на нашите надворешни граници “, коментира Де Мезиер пред новинари во Луксембург, соопштува “Ројтерс”.
” Темите за тероризам сé уште се многу важни “, рече францускиот министер за внатрешни работи, Жерард Коломб, кој стоеше веднаш до Томас Де Мејзер. “Франција сака да ја зголеми контролата на границата за шест месеци”, рече тој.
Министерот за внатрешни работи на Австрија Волфганг Соботка од своја страна изјави дека е присутен “висок ризик” за Европа и дека се потребни гранични проверки, за да можат да бидат следени потенцијални напаѓачи и врбувачи (на терористи).
Граничните проверки станаа нова реалност во Европа во текот на изминатите две години, а Заедницата работи на промена на законите за да им овозможи на таквите мерки да се воведат полесно и се разбира на подолго време.