Турскиот Генерал штаб им нареди на војниците на границата со Сирија да се подготват за состојба на зголемена борбена готовност во врска со можна операција во сирискиот регион Африн, пренесува агенција Anadolu.
Анкара продолжува да пренесува оклопна опрема во пограничните области – 9 тенкови пристигнаа во провинцијата Хатај. На 13 јануари претседателот Реџеб Ердоган изјави дека турската армија може во рок од една недела да започне операција во регионите Манбиџ и Африн кои се контролирани од силите за самоодбрана на сириските Курди (YPG).
Ватан, осврнувајќи се на воени извори, пишува дека првично турската авијација извршила напад на 149 цели. Исто така, тоа ќе се искористи за дислоцирање на граничната артилерија.
По уништувањето на главните потпорни станици на ЈПГ, се планира да започне со копнената операција. Во Африн ќе влезат оклопни возила и единици за специјална намена од армијата од граничнит области.
Турските војници планираат да ги нападнат курдските сили во три насоки. Претходно турскиот заменик-премиер Бекир Богдаг изјави дека Анкара се консултира со Москва и Вашингтон за оваа операција.
Членот на раководството на партијата “Демократски сојуз” (YPG е нејзиното бојно крило) Сиханок Дибо изјави дека за возврат Курдите ќе се потпрат на поддршката на меѓународната коалиција, на чело со САД во случај на удар на Турција врз Африн.
Анкара смета дека YPG е терористичка организација поврзана со Курдистанската работничка партија, која е забранета во земјата.