Денес, Претседателот на ВМРО-ДПМНЕ, Никола Груевски оствари средба со министерот за надворешни работи на Кралството Холандија, Берт Кундерс.
На средбата беа разменети ставови и размислувања за актуелната политичка состојба, односите меѓу двете држави и интеграциските процеси важни за Република Македонија.
Претседателот на ВМРО-ДПМНЕ, Груевски го запозна својот соговорник со актуелната политичка состојба при што посочи дека престојните избори на 24-ти април се неопходни поради излез од наметната политичка криза и добивањето на стабилна влада, која е клучен елемент за продолжување на реформите и мерките насочени кон подобрување на стандардот на граѓаните како и справување со предизвиците поврзани со мигрантската криза.

-Груевски-на-средба-со-Берт-Кундерс
Претседателот Груевски изрази уверување дека за ВМРО-ДПМНЕ суштински важно е изборите на 24-ти април да бидат фер и демократски при што ќе биде испочитувана волјата на мнозинството граѓани. Тој посочи дека граѓаните се тие кои ќе одлучат на избори за иднината на земјата и дека изборите како такво се врвно демократско право.
Претседателот на ВМРО-ДПМНЕ, Никола Груевски посочи дека и понатаму стратешка цел претставува членството во Европската Унија и НАТО како и примена на принципите и вредностите кои произлегуваат од оваа стратешка цел.
Соговорниците ги потврдија добрите и пријателски односи меѓу двете држави кои се карактеризираат со взаемно почитување и поддршка.

Слични содржини