Хелсиншки комитет: Врховниот суд за Кочан донесе незаконско решение

од Vladimir Zorba

Хелсиншкиот комитет за човекови права на Република Македонија смета дека постапувањето на Врховниот суд, кој го укина притворот за Сеад Кочан, осомничен во случајот „Труст“, е преседан кој е во спротивност со принципот на владеење на правото.

Од Хелсиншкиот комитет нагласуваат дека ова е првпат кој и да било суд во Македонија да одлучи дека лицето против кое е определен притвор треба да се пушти на слобода до донесување одлука по жалба.

„Врховниот суд, со постапувањето по барањето на Јавното обвинителство на Република Македонија и повикувајќи се на Законот за кривичната постапка за одлучување по барање за заштита на законитоста, донесе незаконско решение и отвори преседан кој е во спротивност со принципот на владеење на правото“, се вели во соопштението на Хелсиншкиот комитет.

Слични содржини