Христијаните денеска го слават Велигден

од Vladimir Zorba

Христијаните од православна и од католичка вероисповед денеска го слават најголемиот христијански празник Велигден – Христовото Воскресение, ден кога Исус Христос ја докажал својата божествена моќ и воскреснал од мртвите.

Камбаните точно на полноќ го навестија Воскресението Христово Велигден. Веста за Христовото воскресение ја објавија свештениците и архиереите на богослужбите во сите цркви и манастири на Македонската православна црква (МПЦ) во земјава и во светот, а денеска се одржуваат воскресенски литургии. Велигденска миса беше одржана во католичката црква Срце Исусово.

Христос воскресна, навистина воскоресна! Со овие зборови од вечерва по полноќ православните верници во земјава го честитаат најголемиот христијански празник, Христовото воскресение, Велигден.

Најголемиот христијански празник, Воскресението Христово, во Република Македонија најмасовно беше прославен во Скопје, во соборниот храм „Свети Климент Охридски“, каде со Воскресната литургија чиноначалствуваше поглаварот на Македонската православна црква, неговото блаженство архиепископот охридски и македонски, г.г. Стефан.

Оваа црковна традиција потекнува од првиот век по Христа, односно тоа се практикувало уште во времето на светите апостоли – христови ученици и нивните наследници. За тоа ни сведочи Светото предание./МЕТА

Слични содржини