Научниците од калифорнискиот Универзитет Беркли открија дека мирисот на храната игра важна улога во начинот на кој организмот ги преработува калориите, како и тоа дека со самото мирисање на храната пред јадење можеме да го поттикнеме наталожувањето на вишокот килограми.
Студијата спрведена врз глувци, открила дека оние глувци кои никогаш не ја мирисале храната не добиле на тежина. Од друга страна, пак глувците кои пред јадење ја мирисале храната двојно ја зголемиле својата тежина. Иако студијата е спроведена врз глувци, а не врз луѓе научниците истакнуваат дека оваа поврзаност е фасцинантна. Резултатите на студијата ги објаснуваат со тврдењето дека чулото на мирисот е поврзано со одлуката на телото да ги складира маснотиите, наместо да ги согорува.