Италија спаси над 1500 мигранти во 11 одделни операции во близина на брегот на Либија, соопшти италијанската крајбрежна стража.

Со тоа бројот на спасени мигранти во последните два дена достигна 3.500 лица.

Мигрантите го искористиле привременото подобрување на временските услови, за да се обидат да го преминат Средоземното Море со 10 гумени чамци и рибарски брод. Тие се спасени од италијанската морнарица и крајбрежната стража.

Според податоците на Меѓународната организација за миграции ооваа година близу 860 000 луѓе пристигнале во Европа преку Средоземното Море, а над 3500 мигранти загинале при најопасниот премин.