Јапонија се подготвува да предложи во 2020 година обединети меѓународни стандарди за користење на далечински управувани летала – дронови, пишува во неделата “Никеи”.
Според весникот такви унифицирани правила за дроновите ќе им овозможат на јапонските компании да излезат на пазарите за трговското производство, кое сега е насочено во рацете на Кина.
Дроновите би можеле да предизвикаат штета за време на летот, а новите стандарди ќе ја намалат оваа закана. Во самата Јапонија летовите на беспилотни летала се строго ограничени од Законот за воздухопловство во густо населените области.
Земајќи предвид дека бројот на дроновите во светот може да се зголеми значително, Министерството за економија, трговија и индустрија на Јапонија планира да започне кон крајот на финансиската година (во почетокот на 2018 година) работа на облагородување на летовите на дроновите заедно со јапонската воздушен-вселенска агенција JAXA и Институтот за современа наука и технологија (AIST).
Министерството ќе развие систем за управување дронови со помош на сензори за висина и сателитска навигација, за да избегне судири на летала во воздухот. Во 2020 година Министерството планира да поднесе барање во Светската организација за стандардизација (ISO) за одобрување на плановите за безбедност на летовите на дроновете исе надева тие да бидат потврдени околу 2025 финансиска година. 
Истовремено со тоа Јапонија ќе соработува со компании од други земји во областа на автоматските летови и обработката на податоците од нив, за да може резултатите од оваа работа да најдат одраз во предложените меѓународни стандарди. Колку трговските дронови се главно кинеско производство, Јапонија ќе се обиде да добие помош од меѓународната заедница Кина исто така да земе учество во развојот на нови светски стандарди за летови на беспилотни летала. Весникот ги цитира прогнозите на јапонските експерти дека светскиот пазар за дронови ќе достигне 20,5 милијарди долари до 2020 година, што е за 80 проценти повеќе од 2015 година.