Веќе е февруари – месецот на љубовта. Од почетокот вљубените парови почнуваат да се прашуваат како да го поминат празникот или како да го изненадат партнерот. Ќе ви дадеме неколку идеи, кои се релативно евтини и кои ќе остават незаборавен спомен на љубените!

Одете на спа викенд

Направете си спа викенд некаде само двајцата. Ако ви се чини скапо, искористете ги ваучерите за колективен шопинг. Тие се добра алтернатива на скапите спа локации.  Најдобро е дека оваа година Денот на вљубените паѓа точно во недела. Така ќе го искомбинирате празникот со патување и одмор што е повеќе од добро. 

Одведете го партнерот во планетариум или набљудувајте ги ѕвездите

Еден од поромантичните начини да го прославите празникот на Денот на вљубените е да го одведете партнерот на романтично попладне во нашиот планетариум. Ако немате можност да се организите, набавете си пренослив телескоп или двоглед со кои можете да ги покажете вашите омилени ѕвезди, ккои му ги посветувате. Романтично, нели?

Колачи и слатки

Изненадете ја саканата или омилениотсо цел куп слатки искушенија. Запалете свеќи насекаде низ станот.

 Направете си пикник дома

Во февруари времето не е особено погодно за пикник, иако температурите надвор веќе одамна не се толку застрашувачки, какви што беа во јануари.  Затоа направете си пикник дома во дневната соба . Намалете го светлото, наредете ароматични свеќи наоколу, постелете меко ќебе на средината на просторијата. Згответе нешто вкусно што тој го обожава и каснете полулегнати на земјата.  Тоа е повеќе од романтично искуство кое гарантирано ќе ви се допадне и ќе ве натера да се запамети овој Ден на вљубените.

Ноќ на игрите

Ако сакате да не само да го прославите овој Ден на вљубените со партнерот, но и да го разгорите пламенот на страста во љубовната неделна ноќ, измислете си секси игри кои ќе ги играте двајцата. Ова е одличен начин да го прославите празникот, а и да блеска расположението на максимум. Којзнае – може да научите нешто ново за себе!

Одете на вечера

Традиционално, но пак испитано. Вечера за двајца на Денот на вљубените е одличен начин да го избегате помалку од бурното секојдневие и да се посветите еден на друг за празникот. Покрај тоа, да се напиете чаша вино и да го прославите и нашиот домашен празник, Св. Трифун.