Убавите кадрици и лабавите бранови во косата, се најпосакувани од многу дами, бидејќи тие го прават изгледот поженствен, романтичен и секси. Скапите витлери и преси за коса, можат брзо да ја извиткаат косата, но нанесуваат и многу штета на влакното.
Затоа, тие не се препорачуваат за честа употреба. За среќа постојат многу бјути трикови кои можат да ни помогнат, да создадеме убави кадрици без горење на косата. Следната идеја ќе ви покаже како со помош на домаќински сунѓери за садови, да си направите неверојатна фризура.
За таа цел ќе ви бидат потребни најмалку 10 мали сунѓерчиња, како и еднаков на нив број гумени ластичиња. Измијте ја косата како и обично и исушете ја добро. Расчешлајте, поделете ја на одделни мали купчиња.
Земете еден сунѓер и обвиткајте на неа прамен коса. Потоа преклопете го сунѓерот и ставете гумен ластик, за да се задржи. На ист начин навиткајте ги и останатите прамени.
Почекајте најмалку осум часа (најдобро е да ја намотате косата на тој начин навечер, за да може да преспиете), потоа отстранете ги сунѓерите. Расчешлајте ја косата со помош на прстите и фиксирајте со лак.